موضوع: كاس مصر سنه 2008 الخميس مايو 01, 2008 9:41 am
وكعادة الشعب المصري الطيب يستني اي مولد علشان يركب المراجيح و الحلزونة و يتشقلب في الهوا و المولد المرة دي هو الحصول علي كأس افريقيا امتع اللحظات تقضيها في شوارع مصر هي اوقات المتشات سواء في النهائي او اي بطولة فتعود مصر الي زمن عماد حمدي و اسماعيل ياسين الشوارع فاضية و العصافير بتزقزق في الخلفية و حاجة اخر انسجام بعد الماتش سواء كسبنا او خسرنا تجد البلد و حالها انقلب اتحدث هنا عن المناطق القريبة من سكني سواء مصر الجديدة شارع النزهة و الكربة و العروبة او مدينة نصر عباس العقاد و مكرم عبيد ------ من سنتين - بطولة 2006- اخذت عنوة للفرجة علي الماتش في احدي القهاوي وكان الطعم لاستدراجي هي المشروبات الروحية كالسحلب و القرفة و العناب
وكان برضة الكاس بتاع افريقيا ولا اعلم كيف انتهي بي الموقف واقف في شارع النزهة لمدة 3 ساعات مش عارف اروح و أمم بقي واقفة في الشارع نسوان ورجالة اعداد مهولة اقطع دراعي ان اللي كانو في 73 اقل من العدد دة
وناس ماسكة علب بيرسول وتولع فيها نار وصواريخ بتطوح وشباشب بتطير وتم ايقاف مترو النزهة و اخذ السائق رهينة انا فاكر اليوم دة كان معايا 9 انفار من اصحابي رجعنا 3 بس واحد منهم شوفتة صدفة داخل بيتهم لابس فانلة داخلية بحمالة واحدة ------------ -------- وأمس - ليلة فوز المنتخب المصرى2008 -يتكرر نفس السيناريو يخرج الشعب المصري كمجاذيب السيدة منكوش مكفهر مترب وحالتة نيلة معهوش تمن تذكرة مترو الانفاق يرقص في الشوارع ويقبلون بعضهم البعض و الفرحة تبظ من اعينهم كما لو ان هايتوزع علي كل مواطن مليون جنية و الفلسطنيين في طريقهم للانقراض و محدش هيلاقيهم غير في السوق السودا جتنا ستين نيلة فينا و في عبطنا شعب مش لاقي حاجة يعملها ولعيبة تسجد للة شكرا علي احراز الهدف
وقريبا سنسمع عن رحلات حج و عمرة لاجل الحصول علي كاس السوبر احد الحجاج متعلق باستار الكعبة داعيا يا رب الدوري ياخدة الزمالك السنة دي " دي حقيقة مش نكتة" وتكون ادعية الاستخارة الخاصة بالمدير الفني يا رب نلعب بطريقة 4-2-4 ولا 2-4-4-
المهم هانعمل اية لا حياة لمن تنادي يا اخوانا الرياضة لعب مش فرجة لكن العلم في الكبر كالضرب في البقر اتمني تكون الحَلَة جت علي مقاسكوا
------------ --------- --------- --------- --------- وعلى هامش فوزنا بالحلة الإفريقية ابن البطيخ الحضري باشا ابن كفر البطيخ قامت الدنيا و مقعدتش لهروب المحروس لسويسرا للاحتراف مع نادي درجة تانية وطالب البعض برقبة الخائن و احلت بعض الجماعات دمة و خرج العيال في الحواري يهتفوا بسقوط الحضري وعندما ذهب لحضور التدريبات هجم جماهير الاهلي علي النادي محاولين الفتك به و ان دل علي شيء دل علي تخلف شعبنا الحبيب و ان ريالته شبر علي صدرة و الله اللي عملوة لو اتعمل نصه علشان غزة و العراق و لبنان او لاجل الاساءة لرسول الله لكان حالنا غير كدة ------------ --------- -- وتوب علينا يارب
أبو سلطان
عدد الرسائل : 42 العمر : 48 كلمه شكر : 1 نقاط : 6 تاريخ التسجيل : 08/05/2008
موضوع: رد: كاس مصر سنه 2008 الجمعة مايو 16, 2008 4:38 am
هههههههههههههههههههههههههه فعلا كل دا بيحصل ويا ريت اعرف السبب
محمد عبد الكريم
عدد الرسائل : 1194 الموقع : منتديات القلب الطيب كلمه شكر : 0 نقاط : 1416 تاريخ التسجيل : 07/04/2008
موضوع: كاس مصر سنه 2008 
الخميس مايو 01, 2008 9:41 am
